როგორ შევარჩიოთ ტომრიანი მტვერსასრუტი, რჩევები ვენდუსგან

ტომრიანი მტვერსასრუტი მშრალი დალაგებისთვის - კლასიკური ვარიანტია. იმის მიუხედავად, რომ ბევრი სხვა მოდელი შეიქმნა, ტომრიანი მაინც არ კარგავს პოპულარობას. ეს მოდელები გამოირჩევა პრაქტიკულობით, ფასითა და ფართო არჩევანით. 

დადებითი და უარყოფითი მხარეები

ტომრიან მტვერსასრუტებში მტვრის შეგროვებისთვის გამოიყენება ერთჯერადი ან მრავალჯერადი ტომრები. აღნიშნული მოდელი კარგად უმკლავდება პარკეტისა და ხალიჩების დასუფთავებას.

პლუსებიდან აღსანიშნავია:

• კომპაქტურობა;
• მარტივი ექსპლუატაცია;
• ტომრის გამოცვლის სიმარტივე;
• მტვერთან კონტაქტი ფაქტობრივად გამორიცხულია, საკმარისია გავსებული ტომრის ამოღება და ახლით შეცვლა (ერთჯერადის შემთხვევაში);
• მცირე ხმაური და მაღალი სიმძლავრე.

თუმცა, ამ იდეალურ მოდელს თავისი უარყოფით მხარეებიც აქვს:

• ერთჯერადი ტომრები უნდა გამოიცვალოს, რაც დამატებით ხარჯებთან არის დაკავშირებული;
• მტვერსასრუტის შეწოვის ძალა მტვრის ტომრის ავსებასთან ერთად მცირდება;
• მრავალჯერადი ტომრის რეცხვის დისკომფორტი;
• ვერ გამოიყენებთ სითხის ასაღებად;

ტომრიანი მტვერსასრუტები იყოფა შემდეგ 3 ტიპად:

ქსოვილის მრავალჯერადი ტომრით. დიდხანს ძლებს და გამოცვლა საჭროა მხოლოდ დაზიანების შემთხვევაში. თუმცა ბერტყვა სჭირდება და ალერგიული ადამიანებისთვის დისკომფორტია;
ქაღალდის ერთჯერადი ტომრით. ასეთ მტვერსასრუტში მტვერთან კონტაქტი გამორიცხულია. მისი მინუსია, რომ ხშირად უნდა გამოიცვალოს, ამავე დროს, დაზიანების მეტი საფრთხე არსებობს;
სინთეტიკური მასალისგან დამზადებული ტომრები. გამოირჩევა სისქით და კარგი ფილტრაციით. შედგება რამდენიმე შრისგან, რაც ეფექტურად აკავებს უსიამოვნო სუნს.

გარდა ამისა, არსებობს კომბინირებული მტვერსასრუტები, რომელთაც კონტეინერი და ქაღალდის ან ნაჭრის ტომრები ერთდროულად აქვთ.

ტომრიანი მტვერსასრუტის შეძენისას მოიმარაგეთ საჭირო ოდენობის ტომრები. ამით თქვენი დროის და ფინანსების ეკონომიას შეძლებთ.

ძირითადი მახასიათებლები

ყველაზე მთავარი, რასაც მტვერსასრუტის არჩევის დროს ყურადღება უნდა მიაქციოთ, არის:

• შესრუტვის სიმძლავრე

ტომრიანი მტვერსასრუტის შესრუტვის საშუალო სიმძლავრე 300 ვატია. ხალიჩის შემთხვევაში - 450 - 500 ვატი.

• მართვის სისტემა

მტვერსასრუტის მართვის სისტემა განლაგებულია მის კორპუსზე ან სახელურზე. ამ უკანასკნელის შემთხვევაში არ მოგიწევთ დახრა.

• ფილტრები

ფილტრაციის კლასი აღინიშნება შემდეგი ციფრებით: H10, H11, H12…15. რაც უფრო მაღალია ეს მაჩვენებელი, მით უკეთესი. ბიუჯეტურ მოდელებს, როგორც წესი, მოყვება ნაკლებად ეფექტიანი, ცელულოზის ან პარალონის მიკროფილტრები.

• შემწოვი მილი

შემწოვი მილი რამდენიმე სახის არსებობს: ასაწყობი და ტელესკოპური. მასალის მიხედვით კი - მეტალისა და პლასტმასის. პლასტმასის უფრო მსუბუქია, მეტალი - მყარია, ტელესკოპური - მოსახერხებელი.

• კომპლექტაცია

მტვერსასრუტს ნაკრებში მოყვება გასაწმენდი ფუნჯებისა და ჯაგრისების ნაირსახეობა, რაც სხვადასხვა ზედაპირთან მუშაობის პროცესს უფრო კომფორტულს ხდის.

• ხმაურის დონე

მტვერსასრუტის ხმაური საშუალოდ მერყეობდეს 60-85 დეციბელის ფარგლებში.

• ელექტროკაბელის სიგრძე

მინიმალური სიგრძე 5 მეტრია, რაც ზრდის მტვერსასრუტის მანევრირების შესაძლებლობებს.

• დამატებითი ფუნქციები

რეზინის ზედაპირიანი ბორბლები, დამცავი ელასტიური “ბამპერი”, მტვერსასრუტის კორპუსში საცმების შესანახი სათავსო, ტომრების ზომა XXL, ჯაგრისების მრავალფეროვნება, ენერგოეფექტიანობის მაღალი კლასი, ფილტრაციის სამსაფეხურიანი სისტემა, ტექნოლოგია AirFlow Max და ა.შ.

რას მივაქციოთ ყურადღება

• ყურადღება მიაქციეთ მართვის სისტემას, შემწოვი მილის კონსტრუქციასა და ელექტროკაბელის სიგრძეს;
• შეარჩიეთ მაქსიმალურად კომპაქტური და მსუბუქი მოდელი;
• შეიძინეთ მოდელი საცმების ოპტიმალური კომპლექტაციით: სწორი ზედაპირისთვის - პარკეტის ჯაგრისი, ხალიჩებისთვის - ტურბო ჯაგრისი და ა.შ.
• მნიშვნელოვანია, ყურადღება მიაქციოთ სიმძლავრესა და შეწოვის ძალას;
• თუ ალერგია გაწუხებთ, შეიძინეთ მტვერსასრუტი ხარისხიანი ფილტრითა და მრავალფენიანი ცვლადი ტომრით;
• წინასწარ შეამოწმეთ მტვერსასრუტის ხმაურის დონე;
• გაარკვიეთ, არის თუ არა გაყიდვაში გამოსაცვლელი ტომრები და ფილტრები;
• შეამოწმეთ მტვერსასრუტის კორპუსის, შემწოვი მილისა და საცმების მასალა;
• დააზუსტეთ გარანტიის პირობები.

დასკვნა
ტომრიანი მტვერსასრუტი რჩება პოპულარულ მოდელად, რადგან უნივერსალურია და მარტივად სამართავი. თუ ჩვენს რჩევებს მიაქცევთ ყურადღებას და გამოყენების წესს დაიცავთ, თქვენი დამხმარე დიდხანს გემსახურებათ.